Ang tao ay nagiging biktima lamang kung papayag siya, kung magtitiwala siya. Oo, dapat ay marunong tayo magtiwala, hindi lang sa sarili natin kung hindi sa iba rin, pero hindi ba dapat ay hindi natin ito basta basta ibinibigay sa ibang tao?
Minsan kasi ang tao namimihasa, o nangaabuso, at yan ay iniiwasan din nating mangyari. Kasi yang tiwalang ibibigay mo, maaring marami siyang makuha at magawa sayo. Minsan kasi kahit sobrang tagal niyo nang magkakilala, ngayon ka lang niya maiisipang lokohin. Eh kung yung dati mo nang kakilala naloloko ka, yung mga kakakilala mo palang pa kaya? Dapat ngayon palang, alam mo na yung pinaniniwalaan ng marami na sa paglubog ng araw, ang tanging taong mapagkakatiwalaan mo lang ay ang iyong sarili. Hindi naman sa dapat ay wag kang makipagkaibigan at wag kang magtiwala, pero konting ingat lang. Siguro kung ako, di naman ako mawawalan ng tiwala sa mga taong matagal ko nang kilala sa halip ay magiingat ako at susuriin ko munang mabuti ang lahat ng kanilang pinaparating saakin kung totoo ba ito o kasinungalingan lamang. Di natin masasabi kasi na baka akala natin sa sobrang tagal na nating magkakilala eh di na tayo lolokohin pa, pero yun pala sa sobrang habang panahon na yun ay may tinatago siyang sama ng loob sayo at ang panloloko ang tanging paraan na nahanap niya upang gumanti. Para naman sa mga kakakilala ko palang, hindi agad ako magtitiwala sakanila. Hindi ako basta basta maniniwala sa kung ano ang mga sinasabi nila. Kahit gaano ko pa kagusto makuha ang inaalok nila at kahit gaano kadali pa ang paraan nito ay hindi ko parin sila agad pagtitiwalaan sapagkat maaring ako ay magsisi sa huli. Yun lang naman ang solusyon dun eh, magingat sa pagbibigay ng tiwala.
No comments:
Post a Comment